ಪ್ರಕೃತಿಯ ಪರಾಕ್ರಮ......

   ಪ್ರಕೃತಿಯ ಪರಾಕ್ರಮ

—————————————

ನದಿಯಲ್ಲವೋ ಇದು ನನ್ನ ಹೊಲವು

ಕುದಿಯುತಿದೆ ಮನದೊಳಗೆ ರಕುತವು

ಬದುಕೆಲ್ಲ ಬರಿದಾಯ್ತು ರಣಮಳೆಗೆ

ನಿದುರೆಯ ಬರದಾಯ್ತು ಕಣ್ಣೆವೆಗಳಿಗೆ||

ಕನಸೆಲ್ಲ ಕೊಚ್ಚಿ ಕೊನೆಯಾಯ್ತು ಬಾಳ್ಗೇ

ದನಕರುಗಳ ಬದುಕು ನುಚ್ಚು ನೂರಾಯ್ತು

ವನರೋಧನೆಯಾಯ್ತು ನಮ್ಮಯ ಜನಕೆ

ಇನಿತಿಲ್ಲ ಬದುಕುವ ಆಸರೆಯ ಸವಲತ್ತು||

ಉಳಿದಿಲ್ಲ ಏನೊಂದು ನೀರಿನ ರಭಸಕ್ಕೆ

ಮಳೆಯಲ್ಲಿ ಮನೆ ಮಠವು ಹರಿದೋದವೀಗ

ಛಲದೊಡನೆ ಈಜುವೆನು ಪ್ರಕೃತಿಯ ಜೊತೆಗೆ 

ಬಲವಿಲ್ಲದ ತನುವಿನೊಡಗೂಡಿ ಸಾಗುಲಿನ್ಹೇಗೆ||

ಮಾನವನ ಕೃತ್ಯಕ್ಕೆ ಪ್ರಕೃತಿಯು ಮುನಿದು

ಬಾನು ಭೂಮಿಗಳೆರಡು ಸ್ವಾಹಮಾಡುತಲಿಹವು

ಜಾಣತನ ತೋರುತಿಹ ತಂತ್ರಜ್ಞಾನಕೆ ಒಲಿದು

ಮಾಣಿಸಲಹುದೆ ಪಂಚಭೂತಗಳ ಪರಾಕ್ರಮವ||