ಪೊರೆವ ತಂದೆಯು ಜೀವನ ಕಲಿಸುವ - father teaches life

ಪೊರೆವ ತಂದೆಯು ಜೀವನ ಕಲಿಸುವ

ಗತ್ತು ತೋರುವ ನಟನೆ ಕಾಣೋ

ಹೊತ್ತು ತಿರುಗುವ ಮನವ ಕಾಣೋ

ಬೆವರ ಹನಿಗಳು ಹರಿದರು ಕಾಣದಂಗೆ ಇರುವ

ಹದ್ದುಬಸ್ತಲಿ ಶಾಸ್ತಿ ಮಾಡುವ

ತನ್ನೊಳಗೆ ತಾನು ಅಳುವ ಬಿಕ್ಕಿ ಬಿಕ್ಕಿ

ಉಣಿಸುವನು ಊಟವನು ಆಗ್ರಹವನಿಕ್ಕಿ

ತಪ್ಪು ತಿದ್ದಿ ನಡೆವ ಕಂದನೆಡೆಗೆ ಪ್ರೀತಿ ತೋರುವ

ಗೆದ್ದ ಕಂದನ ಹಿರಿಮೆ ಹರಡುವ

ಸೋತರೆನಿತು ಬಿಡದೇ ಪಟ್ಟು

ಸೂಕ್ತದೆಡೆಗೆ ಎಳೆದು ಜುಟ್ಟು

ಜಗದ ಪರಿಯಲಿ ಬದುಕೊ ಬಗೆಯನ್ನು ತೋರುವ

ಜಗದಷ್ಟು ಪ್ರೀತಿಯ ಮನದಲ್ಲಿ ಅದುಮಿ

ಸೈನಿಕನಂತೆ ಶಿಸ್ತನ್ನು ಕಲಿಸಿ

ತನ್ನ ಜೀವನವನ್ನೆ ಮುಡಿಪು ಇಟ್ಟು ಬೆಳೆಸಿ

ಬೆಳೆದ ನಂತರ ಅಪರಿಚಿತನಂತಾಗುವ..... ಅಪ್ಪ

✒ರಫ಼ಿ ರಿಪ್ಪನ್‌ಪೇಟೆ