ಗುರಿಯು ತೋರೊ ಗುರು........

 ತಂದೆ-ತಾಯಿ ಬಂಧು ಬಳಗವಾಗಿ

ಮನವ ಉಳುವ ಯೋಗಿಯಾಗಿ
ಮೂಕ ಮುಗ್ಧ ಮನವ ಹದವಾಗಿಸಿ
ಪ್ರೀತಿ-ನೀತಿ ನಡೆನುಡಿಯ ಗೊಬ್ಬರ ಹಾಕಿ//

ಮುದದಿ ಅಕ್ಷರ ಬೀಜಗಳ ಬಿತ್ತಿ
 ಶಿಕ್ಷೆ  ವಿದ್ಯಾಭಿಕ್ಷೆ ನೀಡೊ ಶಿಕ್ಷಕನಾಗಿ
ಶಿಸ್ತು ಸಂಯಮ ಸಮತೆಗೆ ದಾರಿದೀಪವಾಗಿ
ನಿಸ್ವಾರ್ಥ ತುಂಬಿದ ಜೋಗಿಯಾಗಿ//

ನಾಗರಿಕ ನಿರ್ಮಾಣದ ಶಿಲ್ಪಿಯಾಗಿ
ದೇಶ ದೇಳ್ಗೆಯ ರೂವಾರಿಗಳ ನಿಮಾ೯ತೃವಾಗಿ
ಧಮನಿ ಧಮನಿಯಲಿ ವಿದ್ಯೆ ಬೀಜ ಮೂಳೆಸಿ
ಧೀಮಂತ ನಾಯಕರ ನಿರ್ಮಿಸೋ ಕರ್ತೃವಾಗಿ//

ಎಲ್ಲ ಹುದ್ದೆಗಳ ಸಂಪನ್ಮೂಲ ವ್ಯಕ್ತಿಯಾಗಿ
ತಿಳಿಯದೆಲ್ಲ ವಿಷಯ ಅರುಹೊ ಧ್ವನಿಯಾಗಿ
ಆತ್ಮಶುದ್ಧಿಯ ಮಾರ್ಗದರ್ಶಕನಾಗಿ
ಹಿತ ಚಿಂತನಗಳ ಹೂಳುತ ಮೆಲುವಾಗಿ//

ಗುರಿಯು ತೋರೊ  ಗುರು ನೀನು
ಗುರುತರವಾದದ್ದು ಸಾಧಿಸಲೇಣಿಯಾದ ಗುರು
ಸಕಲ ವಲ್ಲಭಬಲ್ಲ ಎಲ್ಲಬಲ್ಲ  ಗುರು
ಸತತ ಅಭ್ಯಾಸದಲ್ಲಿ ನಿರತ ನೀಗುರು